Çində məktəbdə dəhşət; 50 yaşlı mühafizəçi 39 şagirdi bıçaqladı - FOTO

Çində bıçaqla silahlanmış şəxs ibtidai sinif şagirdlərinə hücum edib. Avtosfer.az xəbər verir ki, insident iyunun 4-də səhər saatlarında Vuçou şəhərində qeydə alınıb. Bu barədə “Sina” portalı məlumat yayıb.

Portalın məlumatına görə, məktəbin 50 yaşlı mühafizəçisi təhsil müəssisəsinin yaxınlığında 39 məktəbliyə və direktor müavininə bıçaq xəsarətləri yetirib.

Yaralılardan üçünün vəziyyəti ağırdır. 

Hadisə yerinə polis və təcili tibbi yardım briqadasının əməkdaşları cəlb edilib. Polis cinayəti törədən şəxsi saxlayıb.

Hazırda faktla bağlı araşdırmalara başlanılıb.

Namiq Musayev