COVID-19 Meksikada 14 053 nəfərin ölümünə səbəb oldu
Gündəm
9 İyun 2020 08:21
Oxunub 1110
Meksikada bir gün ərzində koronavirus infeksiyası qurbanlarının sayı 354 nəfər artıb.
Bu barədə ölkənin Səhiyyə Nazirliyinin Epidemiologiya İdarəsinin direktoru Xose Luis Alomia bildirib.
O, qeyd edib ki, bununla da COVID-19-dan ölənlərin sayı 14 053 nəfərə çatıb. Ölkədə virusa 2 999 yeni yoluxma aşkarlanıb.
Meksikada koronavirusa ilk yoluxma 28 fevralda aşkar edilib. Hazırda virusa yoluxanların ümumi sayı 120 102 nəfərə çatıb. Onlardan 18 416 nəfəri hazırda aktiv koronavirus xəstəsidir.
Virusa ən çox yoluxma Mexiko şəhərində qeydə alınıb. Burada 3 973 nəfər COVID-19 xəstəsi kimi qeydiyyata alınıb. Mexiko ştatında bu rəqəm 2 153 təşkil edir.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb. (“Report”)
ŞƏRH YAZ
DİGƏR XƏBƏRLƏR
