Dəfnə gedənləri daşıyan mikroavtobus partladıldı; azı 10 ölü, 12 yaralı - FOTO

Somalinin paytaxtı Moqadişoda mikroavtobusun partladılması nəticəsində azı 10 nəfər ölüb, 12-si isə xəsarət alıb. Avtosfer.az xəbər verir ki, insident mayın 31-də ölkənin Lafole kəndində qeydə alınıb. Bu barədə “english.alaraby” saytı məlumat yayıb.

Saytın məlumatına görə, içərisində 20 nəfərdən çox insanın olduğu mikroavtobus, yol kənarına quraşdırılmış əldə qayırma bombanın işə düşməsi nəticəsində partlayıb.

Bildirilir ki, mikroavtobusdakı insanlar dəfn mərasiminə gedirmişlər.

Ölü sayının artacağı istisna edilmir.

Hələlik bölgədə fəaliyyət göstərən heç bir qruplaşma məsuliyyəti öz üzərinə götürməyib.

Namiq Musayev