Dəmiryolçular ölkəboyu tətilə başlayıb - işdən qovulma halları var

Belçikada Həmkarlar İttifaqının çağırışı ilə ötən axşamdan etibarən dəmiryolu maşinistlərinin ölkəboyu tətili başlayıb. Avtosfer.az xarici mətbuata istinadən verdiyi xəbərə görə, 48 saat davam edəcək etiraz aksiyası ilə əlaqədar 70%-ə qədər yerli qatarlar və regional elektrik qatarlarının hərəkəti dayandırılıb. Aksiya sərnişin və yükdaşıma reyslərini əhatə edir. Tətil səbəbindən uzaq məsafəyə nəzərdə tutulan sərnişin daşımaları həyata keçirilmir. Tətil milyonlarla sərnişinin hərəkətinə təsir edib. Onlara alternativ nəqliyyat vasitələrindən istifadə etmək təklif olunub. Nəticədə yollarda iri tıxaclar yaranıb.

Qeyd edək ki, Həmkarlar İttifaqı dəmiryolçuların işdən qovulma hallarına son verilməsini tələb edir.