DİN döyüşə çağıran bukletlərlə bağlı araşdırmaya başladı - RƏSMİ

Xəbər verdiyimiz kimi, Bakıda Rusiya ordusunda xidmətə çağırış üçün bukletlər paylanır. 

Bu barədə məlumatı jurnalist Həbib Müntəzir özünün sosial şəbəkə hesabında paylaşıb.

Məlumata görə, bukletlər "Babalarımız kimi vətən üçün çiyin çiyinə duraq" başlığı ilə hazırlanıb. Həmçinin, bukletlərdə Rusiya uğrunda döyüşmək, hərbi əməliyyatlara qoşulmaq müqabilində Rusiya vətəndaşlığı, mənzil, yüksək maaş, ailə üçün xeyli güzəştlər və imtiyazlar vəd edilir. 

Məsələ ilə bağlı Cebhe.info-ya açıqlamasında Daxili İşlər Nazirliyinin mətbuat xidmətinin rəhbəri, polis polkovnik-leytenantı Elşad Hacıyev məsələnin araşdırıldığını bildirib:

"Bu barədə məlumatlıyıq, məsələ araşdırılır".