DİN Masallıda ölümlə nəticələnən qəza ilə bağlı məlumat yayıb

Daxili İşlər Nazirliyi (DİN) Masallıda baş verən qəza ilə bağlı məlumat yayıb.

DİN-in mətbuat xidmətindən verilən məlumata görə, iyunun 2-də saat 2 radələrində Masallı rayonunun Qəriblər kəndi ərazisində Yardımlı rayon sakini Müşfiq Kərimov idarə etdiyi “Niva” markalı avtomobili körpüdən aşırıb.

Nəticədə sürücü aldığı xəsarətlərdən hadisə yerində ölüb, sərnişini xəstəxanaya yerləşdirilib.

Faktla bağlı Masallı RPŞ tərəfindən araşdırma aparılır.

Namiq Musayev