Əfv sərəncamının icrasına başlanıldı - YENİLƏNİB

Prezident İlham Əliyevin məhkum edilmiş bir sıra şəxslərin əfv olunması haqqında imzaladığı Sərəncam Penitensiar Xidmətin 17 saylı cəzaçəkmə müəssisəsində icra edilib.

Avtosfer.az xəbər verir ki, müəssisədən 4 nəfər azadlığa buraxılıb.

Azadlığa buraxılan keçmiş məhkumların hamısı Azərbaycan vətəndaşlarıdır.

Qeyd edək ki, bu gün imzalanan əfv Sərəncamı 20 nəfərə şamil edilib. Onlardan 19-u azadlıqdan məhrum edilmiş, 1 nəfər isə azadlığı məhdudlaşdırılmış məhkumlardır.

***14:23

Bu gün Prezident İlham Əliyev məhkum edilmiş bir sıra şəxslərin əfv olunması haqqında imzaladığı sərəncamın icrasına başlanılıb.

Avtosfer.az-ın məlumatına görə, əfv sərəncamı 20 nəfərə şamil edilib. Onlardan 19-u azadlıqdan məhrum edilmiş, 1 nəfər isə azadlığı məhdudlaşdırılmış məhkumlardır.

Əfv edilənlərdən ikisi Türkiyə, ikisi Pakistan, biri Rusiya, biri Fransa və 14-ü isə Azərbaycan vətəndaşlarıdır.