Ekspert: "Özəl daşıyıcı şirkətlər dövlət dəstəyindən kənarda qalmamalıdır"

Dünyada yayılmış COVID-19 virusu iqtisadiyyata ciddi ziyan vurmaqdadır. Xüsusilə nəqliyyat sahəsi bundan əziyyət çəkir. Bəs Nəqliyyat sahəsinə dəymiş ziyanın azaltmaq üçün hansı tədbirlər görülməlidir?

Nəqliyyat eksperti Elməddin Muradlı hesab edir ki, ilk növbədə daşıyıcı şirkətlərə müəyyən güzəştlər tətbiq etmək olar. "İlkin mərhələdə bununla paralel həm də dövlət tərəfindən maliyyə yardımı edirsə çox yaxşı olar. Çünki dövlətin balansında olan daşıyıcı şirkətə onsuz da müəyyən güzəştlər tətbiq edilir, dəstək olur. Amma özəl daşıyıcı şirkətlər bu çətin günlərdə dövlətin nəqliyyat sahəsindəki yükünü daşıdılar və daşımaqdadırlar. Təsəvvür edin bütün metro bağlanıb, taksilərin fəaliyyətinə məhdudiyyət qoyulub. Amma bu gün özəl daşıyıcı şirkətlər dövlət tərəfindən qəbul olunan hər bir qərarda ön sıralarda dayanırlar. Bu gün yanacağı nəzərdə alanda sərnişinlərin sayını nəzərə alanda onlar zərərlə işləyirlər. Bu baxımdan düşünürəm ki, sərnişin daşıma sahəsində zərərə uğrayan bir çox şirkətlər var. Xüsusilə bu avtovağzaldan-avtovağzala sərnişin daşıyan işləyən şirkətlərdir və taksi şirkətləridir. Həmçinin metropoliten, hava limanı istiqamətində işləyənlər bura daxildir."

Ekspert bildirib ki, bu şirkətlərə də dövlət tərəfindən müəyyən dəstək olunur.  "Dəstək olunursa özəl şirkətlər də dəstəkdən kənar qalmamalıdırlar. İlkin mərhələdə düşünürəm ki, vergilərdən bir müddət azad edilməlidir. Cənab Prezident çıxışında dəfələrlə deyib sahibkarlara yardım olmalıdır. Yəni bu koronavirus pardemiyasından zərər görən sahibkarlara mən düşünürəm ki, elə burda da zərər görən sahibkarların ən ön sıralarda dayanan daşıyıcı şirkətlərdir ki, onlara dəstək olmalıdır."

Gültən