Azərbaycan Prezidenti İlham Əliyev, Rusiya Prezidenti Vladimir Putin və Ermənistan Baş naziri Nikol Paşinyan noyabrın 26-da Soçidə görüşəcək. Bu barədə Kremlin mətbuat katibi məlumat yayıb.

Qeyd edilir ki, Putin Əliyev və Paşinyanla ayrı-ayrılıqda danışıqlar aparacaq. Məlumata görə, Qarabağda sabitliyin möhkəmləndirilməsi və dinc həyatın bərqərar olması üçün atılacaq addımlar müəyyən ediləcək.

Tərəflər 2020-ci ilin 9 noyabr və 2021-ci ilin 11 yanvar tarixli üçtərəfli anlaşmaların reallaşdırılması prosesini də müzakirə edəcəklər. Bölgədə ticari-iqtisadi və nəqliyyat əlaqələrinin bərpası ilə inkişafı məsələlərinə xüsusi diqqət ayrılacaq.