Əminə Cabbarova Ukrayna xarici işlər nazirinin birinci müavini təyin edildi

Əminə Cabbarova Ukraynanın Xarici İşlər nazirinin birinci müavini təyin edilib. O, bu qurumda Krım türklərinin ilk nümayəndəsidir.

Avtosfer.az xəbər verir ki, bunu ölkənin xarici işlər naziri Dmitri Kuleba “Facebook” səhifəsində bildirib.

“Komandamıza güclü oyunçu qoşulub. Əminə bu istiqamətlər üzrə cavabdeh olacaq: ictimai diplomatiya, beynəlxalq təşkilatlar, dövlət protokolu, Krım. Bununla belə, birinci müavin olmaq, sözsüz, daha böyük şeydir və diplomatik həyatın özü əlavə məsələləri qarşıya çıxardır”, - o qeyd edib. 

Qeyd edək ki, Əminə Cabbarova 4 il İnformasiya Siyasəti Nazirliyində işləyib və ötən ilin payızında işdən ayrılıb. 2014-cü ildən o, “Azadlıq Radiosu”na bağlı “Krım.Realii” saytında videoredaktor və baş redaktorun köməkçisi vəzifəsində işləyib. Həmçinin 2011-ci ildən 2014-cü ilədək ATR telekanalında müəllif, aparıcı və bəzi proqramların redaktoru olub.