Ərdoğan: "Azərbaycan türk nəqliyyatçıları üçün mühüm tranzit marşruta çevrilib"

“Türkiyə ilə Azərbaycan və Gürcüstan arasında yük daşımaları üçün istifadə edilən dəmir yolu xəttini Orta Asiyayadək uzada bilərik. Bakı-Tbilisi-Qars dəmir yolu xətti vasitəsilə mövcud yükə əlavə olaraq gündəlik 3500 ton yükün daşına bilməsi üçün işlər görürük. Bağlanan quru yollar ilə əlaqədar Azərbaycan və Qazaxıstan türk nəqliyyatçıları üçün mühüm bir tranzit marşruta çevrilib”.

Avtosfer.az “Report”-a istinadən xəbər verir ki, bu barədə koronavirus pandemiyası ilə mübarizə mövzusuna həsr olunmuş zirvə görüşündə Türkiyə Prezidenti Rəcəb Tayyib Ərdoğan Bakı-Tbilisi-Qars dəmir yolunun önəmini qeyd edərkən deyib.