Ermənistanda COVID-19-dan ölənlərin sayı 500-ü ötdü

Ermənistanda son sutka ərzində koronavirusa yoluxma hallarının sayı daha 349 nəfər artaraq 29 285 nəfərə çatıb.

Bu barədə ölkənin Milli Xəstəliklərə Nəzarət və Onların Qarşısının Alınması Mərkəzindən bildirilib.

Eyni zamanda, son bir gündə Ermənistanda 12 nəfər virusdan ölüb. Bununla da ölkədə COVID-19 qurbanlarının sayı 503-ə çatıb.

Qeyd olunub ki, virusdan 16 907 pasiyent sağalıb. Hazırda 11 711 nəfər infeksiyadan müalicə olunur.

Ermənistanda indiyə qədər 125 088 nəfər testdən keçirilib. (“Report”)