Əsgərləri daşıyan maşın baryerlərə çırpıldı; 5 nəfər xəsarət aldı - FOTO

Türkiyənin Ardahan vilayətində hərbi maşın qəzaya uğrayıb. Avtosfer.az yerli KİV-ə istinadən xəbər verir ki, hadisə “Ardanah – Qars” avtomagistralının 1-ci kilometrliyində qeydə alınıb.  

Məlumata görə, əsgərlərin olduğu “Mercedes” markalı maşın, sürücünün idarəetməsindən çıxaraq dəmir baryerlərə çırpılıb.

Qəza nəticəsində 5 əsgər xəsarət alıb.

Yaralılar müayinə üçün Ardahan Dövlət Xəstəxanasına aparılıblar.

Faktla bağlı araşdırma aparılır.

Namiq Musayev