"Eurohome" ticarət mərkəzi yenidən yanır - Eksklüziv - FOTO - VİDEO

Bakı-Sumqayıt yolunda yerləşən "Eurohome" ticarət mərkəzində yenidən yanğın başlayıb. Avtosfer.az xəbər verir ki, bu dəfə yanğın ticarət mərkəzinin orta hissəsində başlayıb. Əraziyə polislər, yol polisləri və yanğından mühafizə xidmətinin briqadası cəlb olunub. Ekologiya postu ilə üzbəüz yerləşən ticarət mərkəzində hazırda vəziyyət gərgindir. 

Qeyd edək ki, ötən ilin dekabr ayında ticarət mərkəzində güclü yanğın baş vermişdi.

×××

Fövqəladə hallar nazirinin müavini Etibar Mirzəyev Binəqədi rayonunda yanğının baş verdiyi əraziyə gəlib. Yanğınla bağlı ilk məlumat alınanda ikinci dərəcəli çağır verilib. Hadisə ilə əlaqədar ərazidə qərargah yaradılıb. Mağaza sahibləri mallarını çıxarmağa cəhd göstərirlər.  (APA)

**

Fövqəladə Hallar Nazirliyinin (FHN) “112” qaynar telefon xəttinə, Bakı şəhərinin Binəqədi rayonunda “EuroHome” tikinti materialları bazarı ərazisində yanğın olması barədə məlumat daxil olub. FHN-dən verilən məlumata görə, dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Hazırda yanğınsöndürmə işləri davam etdirilir.

Əlavə məlumat veriləcək.

Fərid