Əvvəlcə atəş açdılar, sonra döydülər; ardınca da 70 min dolları apardılar

Polislər avtomobilə atəş açaraq salonundan külli miqdarda pul aparan naməlum şəxsləri axtarır. Avtosfer.az xəbər verir ki, insident Rusiyanın Moskva ətrafı Mojaysk rayonunda qeydə alınıb. Bu barədə “TASS” agentliyi məlumat yayıb.

Məlumata görə, bu gün gecə saatlarında sözügedən rayonun ərazisində qəzadan sonra naməlum şəxslər avtomobilə atəş açıblar. Sürücüyə və sərnişinə hücum edən quldurlar, onları döyərək maşının salonundan təxminən 70 min dollar yaxın pul oğurlayıblar. 

Daxili İşlər Nazirliyinin Moskva əyaləti üzrə İdarəsinin Mətbuat Xidmətindən faktı təsdiqləyiblər.

Hazırda hüquq-mühafizə orqanları tərəfindən əməliyyat-axtarış tədbirləri aparılır.

Namiq Musayev