Əyləci xarab olan yük maşını evin içinə girdi; 1 ölü, 2 yaralı - FOTO

Türkiyənin Sakarya əyalətində yük maşınının iştirakı ilə ağır yol qəzası baş verib. Avtosfer.az İHA-ya istinadən xəbər verir ki, hadisə Hendek rayonunda qeydə alınıb.

Məlumata görə, Bayraktepe məhəlləsində eniş aşağı enən və qeydiyyat nömrə nişanı müəyyənləşdirilməyən yük maşınının əyləcində nasazlıq yaranıb. Bundan sonra sürücünün idarəetməsindən çıxan maşın fındıq bağına girib. Sürücünün bütün səylərinə baxmayaraq nəqliyyat vasitəsini dayandırmaq mümkün olmayıb və o, bağın yanında yerləşən yaşayış evinin divarına çırpılıb. Qəzanı görən ətrafdakılar vəziyyəti səlahiyyətlilərə bildiriblər.  

Divarı qıraraq evin içərisinə daxil olan yük maşının altında qalan Ruhinaz Mutlu adlı qadın dünyasını dəyişib, 10 yaşlı nəvəsi Elif Naz Mutlu və adı hələ ki öyrənilməyən maşın sürücüsü xəsarətlər alıb. Yaralılar, ambulanslarla xəstəxanaya çatdırılıblar.

Faktla bağlı araşdırmalara başlanılıb.

Namiq Musayev