"Formula 1" 7 ildən sonra bu məkanda

Cari mövsüm "Formula 1" üzrə Almaniya Qran-prisi Nürburqrinq avtodromunda gerçəkləşəcək. 

Avtosfer.az yerli RTL-ə istinadən xəbər verir ki, yarış 9 - 11 oktyabrda olacaq. Daha əvvəl Hokkenhaymın yarışa ev sahibliyi edə bilməyəcəyi müəyyənləşib. 

Almaniyadan sonra Portuqaliya (23 -25 oktyabr), daha sonra San-Marinoda  (30 oktyabr - 1 noyabr) Qran-priyə ev sahibliyi edəcək. 

Qeyd edək ki, Nürburqrinqdə sonuncu yarış 2013-cu ildə keçirilib.