Forumun uğurlu davam etməsinə həm də əhali dəstək olur – Tanzaniyalı turist - FOTO

Dünya Şəhərsalma Forumunun (WUF13) 13-cü Sessiyasının bu günartıq 4-ü günüdür. Sessiya çərçivəsində bir sıra iclaslar baş tutub və topklantılarda yerli, eləcə də xarici ziyarətçilər iştirak edib.

Tanzaniyadan gələn turist Josia Serre Avtosfer.az-a müsahibəsində bildirib ki, Bakıda keçirilən Dünya Şəhərsalma Forumunda (WUF13) iştirak etdiyini və şəhərin qonaqpərvərliyindən məmnun qaldığını bildirib. O, Bakıda keçirdiyi günlərin olduqca xoş keçdiyini, şəhərin ümumi atmosferinin və insanların münasibətinin onda müsbət təəssürat yaratdığını qeyd edib.

Josia Serre Bakını ziyarət zamanı yerli sakinlərin və könüllülərin ona xüsusi diqqət göstərdiyini bildirib. Onun sözlərinə görə, insanlar olduqca mehribandır və şəhərdə istiqamət tapmaqda çətinlik çəkən turistlərə yardım etməyə hər zaman hazırdırlar. O, dil baryeri yarandığı hallarda belə yerli sakinlərin kömək edərək izah etdiyini və lazım olduqda tərcümə etməyə çalışdığını vurğulayıb.

Turist ümumilikdə Bakını qonaqpərvər və rahat şəhər kimi xarakterizə edib və burada keçirdiyi vaxtdan məmnun qaldığını ifadə edib.

Eltac Zülfüqaroğlu