Futbol meydançasında motosikletə quraşdırılmış bomba partladıldı: 3 ölü, 7 yaralı

Əfqanıstanın şərqində partlayış baş verib. Avtosfer.az xəbər verir ki, insident Host əyalətinin Nadir Şah Kot mahalında qeydə alınıb. Bu barədə yerli polis nümayəndəsi Adil Heydər məlumat verib.

Adil Heydərin sözlərinə görə, motosikletə quraşdırılmış bombanın futbol meydançasında işə salınması nəticəsində 3 nəfər ölüb, daha 7-si isə xəsarət alıb.

Hadisəni ərazidə fəaliyyət göstərən heç bir terror qruplaşması öz üzərinə götürməyib.

Namiq Musayev