Göyçay sakinindən və qardaşı oğlundan silah götürülüb

Sumqayıt və Göyçay sakinlərindən odlu silah götürülüb.

Avtosfer.az xəbər verir ki, Daxili İşlər Nazirliyinin mətbuat xidmətindən verilən məlumata görə, Nəsimi Rayon Polis İdarəsi 19-cu Polis Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Sumqayıt şəhər sakini, əvvəllər məhkum olunmuş İ.İsmayılovdan nömrəsi silinmiş “Makarov” markalı tapança, 6 ədəd patron və 1 ədəd patron darağı aşkar edilərək götürülüb.

Göyçay Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Alıkənd kənd sakinləri E.Qasımov və qardaşı oğlundan 2 ədəd “TOZ-16” markalı ov tüfəngləri aşkar edilərək götürülüb.