Gürcüstan nömrəli maşın sürənlər bunu MÜTLƏQ BİLMƏLİDİR

Nazirlər Kabineti "Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları"nda dəyişiklik edib.

Dəyişikliyə əsasən, avtomobillərin müvəqqəti olaraq gətirilməsinə hər təqvim ili ərzində 90 gün  məhdudiyyət müəyyənləşib. 
Qərarı şərh edən hüquqşünas Ərşad Hüseynov Avtosfer.az-a bildirib ki,
Nazirlər kabinetinin 305 saylı qərarı xarici ölkələrdə fiziki şəxslər tərəfindən müxtəlif əmtəələrin, o cümlədən nəqliyyat vasitələrinin Azərbaycana sadələşdirilmiş qaydada gətirilməsi prosedurlarını tənzimləyir. "Qeyd etdiyimiz qərarda nəqliyyat vasitələrin Azərbaycana şəxsi istifadə üçün həm müvəqqəti gətirmə, həm daimi gətirməsini öz əksini tapıb. 
Qaydanın əvvəlki redaksiyasında  Azərbaycan vətəndaşı olmayan şəxs  xaricdən avtomobil gətirdikdə ilk üç ay müddətində heç bir gömrük ödənişləri lazım deyildi. Həmçinin bu müddəti hər dəfə  üç ay olmaqla bir ilə qədər uzada bilərdi. Yəni, şəxs nəqliyyat vasitəsini üç  ay müddətində ölkəyə gətirə və üç aydan sonra xarici ölkədə bir gün, hətta bir neçə saat qalıb geriyə qayıdırdısa müddət sıfırdan başlamış sayılırdı. Belə halda da gömrük ödənişlərinin təminatı da  lazım deyildi."
Hüquqşünas qeyd edib ki, yeni  qüvvəyə minən qərar bu məsələyə aydınlıq gətirir. "1 il ərzində cəmi 90 gün gömrük ödənişləri təminatı olmadan Azərbaycana xarici dövlət qeydiyyat nömrəli avtomobil gətirə bilər. Bu müddəti keçdikdə isə əlavə gömrük təminatı olmalıdır. Hazırda Gömrük orqanlarında təminat olaraq əsasən depozitə pul qoyulmasından istifadə olunur."

Orxan