Gürcüstanda 10 aylıq azərbaycanlı körpə koronavirusa yoluxub

Gürcüstanın Telavi rayonunun azərbaycanlılar yaşayan Qaracala kəndində 10 aylıq körpəyə koronavirus diaqnozu qoyulub.

Bu barədə ölkənin Xəstəliklərə Nəzarət və İctimai Sağlamlıq Milli Mərkəzinin Kaxeti regional bölməsindən bildirilib.

Körpə COVID-19-a xas simptomlarla Telavi Uşaq Xəstəxanasına yerləşdirilib. Aparılan koronavirus testinin nəticəsi pozitiv olub.

Hazırda epidemioloqlar Qaracalada körpə ilə təmasda olan şəxsləri müəyyən edirlər. Kənddən 11 nəfərin bioloji materialı müayinə üçün Tbilisidəki Luqar laboratoriyasına göndərilib. (“Report”)