Gürcüstanda koronavirusa ən çox 30-59 yaş arasında olanlar yoluxub

Gürcüstanda koronavirusa yoluxanlar arasında ən yaşlı şəxsin 90 yaşı var, virus daşıyıcısı olan ən gənc şəxs isə 9 aylıqdır. Bu barədə ölkənin Xəstəliklərə Nəzarət və İctimai Sağlamlıq Milli Mərkəzinin hesabatında bildirilib.

COVID-19-a yoluxanların orta yaşı 42 təşkil edir.

Sənədə əsasən, ölkədə qadınlar arasında virusa yoluxma göstəricisi (51,2%) daha yüksəkdir.

Virusa yoluxma ən çox (412 nəfər) 30-59 yaş qrupuna daxil olan şəxslərdə təsdiqlənib. (“Report”)