Hava və dəniz limanlarında COVID-19 üzrə test müayinə mərkəzi açılıb

Koronavirusa yoluxma riski yüksək olan ölkələrdən Estoniyaya səfər edən hər kəs məcburi özünütəcrid rejimində qalma müddətini azaltmaq və ən qısa müddətdə işə qayıtmaq məqsədilə Tallin hava limanında və ya dəniz limanında COVID-19-a test müayinə mərkəzi açılıb.

Test müayinəsi Estoniya sakinlərinə pulsuz başa gələcək. Lakin əcnəbi vətəndaşlar müayinə ilə bağlı ödənişlərini bank kartları vasitəsilə yerindəcə edə biləcəklər.

Bildirilib ki, COVID-19 üzrə test müayinəsi Tallin Hava Limanının A və D terminallarının gəlmə zonalarında paytaxtın Confido klinikasının həkimləri tərəfindən həyata keçiriləcək. Müayinə Tallin hava limanında “Qvalitas” klinikasının müvəqqəti məntəqəsində aparılacaq. Analizlərin götürülməsi və lazımi sənədlərin hazırlanması proseduru təxminən 5 dəqiqə çəkəcək. Həm dəniz limanında, həm də hava limanında təşkil olunacaq test müayinəsi növbəli şəkildə həyata keçiriləcək. Müayinə məntəqələri son sərnişin gələnədək açıq olacaq. (AZƏRTAC)