Hazırda paytaxtın bu yollarında ciddi sıxlıq var - Avtobuslar gecikir

Hazırda axşam pik saatı olduğundan bəzi küçə və prospektlərdə nəqliyyat vasitələrinin hərəkətində sıxlıq müşahidə olunur.

Bakı Nəqliyyat Agentliyindən (BNA) Avtosfer.az-a bildirilib ki, H.Əliyev prospekti şəhər istiqamətində kənar yolda və Ş.İ.Xətai prospektindən H.Əliyev prospekti istiqamətində ciddi sıxlıq var. Sıxlıq səbəbindən qeyd olunan istiqamətlərdə müntəzəm və ekspres xətlər üzrə avtobusların intervalında ciddi gecikmələr yaranıb. Hazırda H.Əliyev prospekti şəhər istiqaməti kənar yolda 15-dən artıq avtobus sıxlıqda qalıb.

Həmçinin, Z.Bünyadov prospektinin hər iki istiqamətində sıxlıq var. Burada da həm müntəzəm, həm də ekspres xətlər üzrə avtobusların hərəkətində çətinliklər var.