Həmkarlarının dəfn mərasiminə gedən polislər pusquya düşdü: 2 ölü, 2 yaralı

Meksikanın mərkəzində bir qrup polis əməkdaşı pusquya düşüb. Avtosfer.az xəbər verir ki, insident aprelin 16-da Quanahuato ştatının Selayya şəhərində qeydə alınıb. Bu barədə “Televisa” telekanalı məlumat yayıb.

Bölgə prokurorluğunun məlumatına görə, polislər patrul avtomobili ilə həmkarlarının dəfn mərasimində iştirak etmək üçün gediblər. Maşın avtomatik silahlardan atəşə tutulub.

Nəticədə 2 asayiş keşikçisi ölüb, daha 2-si isə yaralanıb.

Hüquq-mühafizə orqanları cinayətkarların axtarışlarına başlayıb.

Namiq Musayev