İranın raket gəmisi “Konarak” raketlə vuruldu: 19 ölü, 15 yaralı - FOTO + VİDEO (YENİLƏNİB)

Mayın 10-da İran Hərbi Dəniz Qüvvələrinin Oman körfəzində keçirdiyi təlim zamanı baş verən hadisənin görüntüləri yayımlanıb. Avtosfer.az "IRIB" teleşirkətinə istinadən həmin kadrları təqdim edir.

<><><><>11:27<><><><>

Mayın 10-da İran Hərbi Dəniz Qüvvələrinin Oman körfəzində keçirdiyi təlim zamanı, raket gəmilərindən biri “Konarak”a atılan raket nəticəsində ölən və xəsarət alanların sayı məlum olub. Avtosfer.az xəbər verir ki, hadisə zamanı 19 nəfər ölüb, 15 nəfər isə yaralanıb. Bu barədə İran ordusunun Hərbi Dəniz Qüvvələrinin mətbuat xidmətindən bildirilib.

<><><><>09:00<><><><>

İranın iri raket gəmilərindən biri “Konarak”a atılan raket nəticəsində 1 nəfər ölüb, 1 neçə nəfər isə xəsarət alıb. Avtosfer.az “TASS”a istinadən xəbər verir ki, insident mayın 10-da Oman körfəzində qeydə alınıb. Bu barədə bir gün sonra “Fars” agentliyi məlumat yayıb.

Məlumata görə, İran Hərbi Dəniz Qüvvələrinin ölkənin cənubunda yerləşən liman şəhəri Jaskda təlim keçirmiş. Hazırda mütəxəssislər hadisənin baş vermə səbəblərini araşdırır.

Agentlik, sözügedən faktın məhz təlim zamanı baş verib - vermədiyi barədə isə heç bir məlumat verməyib.

Qeyd edək ki, bundan əvvəl “Al Arabiya” telekanalı bildirmişdi ki, keçirilən təlim zamanı “Konarak” gəmisi İranın digər “Jamaran” freqatından səhvən atılan raketlə vurulub.

Namiq Musayev