İsmayıllıda mal-qara oğurlayan şəxslər saxlanılıblar - FOTO

İsmayıllı Rayon Polis Şöbəsinə ərizə ilə müraciət edən dörd nəfər Qəzli və Quşencə kənd sakini onlara məxsus mal-qaranın oğurlanması barədə məlumat verib.

Daxili İşlər Nazirliyinin mətbuat xidmətinin Şəki regional qrupundan Avtosfer.az-a verilən məlumata görə, polis əməkdaşlarının həmin müraciətlər əsasında keçirdikləri əməliyyat-axtarış tədbirləri nəticəsində ümumi dəyəri 10 min manata yaxın olan 7 baş iribuynuzlu heyvanı oğurlayan şəxslərin rayonun Quşencə kənd sakinləri Rasim Alızadə və İsrəfil Alızadə olduqları müəyyən edilib. Onlar şübhəli şəxs qismində saxlanılıblar. Həmin şəxslər ifadələrində oğurladıqları heyvanları Şamaxı, Bərdə və İsmayıllı rayonlarında satdıqlarını, əldə etdikləri pulu isə öz əyləncələri üçün xərclədiklərini bildiriblər.

Faktla bağlı İsmayıllı Rayon Polis Şöbəsinin istintaq bölməsində cinayət işi başlanıb, onların digər cinayət əməllərində iştiraklarının olub-olmamasının müəyyənləşdirilməsi istiqamətində əməliyyat-istintaq tədbirləri davam etdirilir.