İsraildə koronavirusa yoluxanların sayı 30 mini ötdü

İsraildə son sutkada koronavirusa daha 826 yoluxma faktı qeydə alınıb. Məlumatı İsrailin Səhiyyə Nazirliyi yayıb.

İsraildə virusa yoluxanların ümumi sayı isə 30 162 nəfərə çatıb. Ölkədə son 24 saatda 2 nəfər COVID-19-dan ölüb. Bununla da qurbanların sayı 332-yə yüksəlib.

Koronavirusa yoluxan 17 974 pasiyent sağalıb, 11 856 nəfərin xüsusi rejimli xəstəxanalarda müalicəsi davam etdirilir. (“Report”)