Kanadada avtomobillə qaçan cinayətkar polislə atışdı: 1 ölü, 2 yaralı

Kanadanın Alberta əyalətində polis yaşayış evində atəş açan şəxsi zərərsizləşdirib. Avtosfer.az xəbər verir ki, insident Blekfalds şəhərciyində qeydə alınıb. Bu barədə mayın 6-da “CBC” telekanalı məlumata yayıb.

Telekanalın bildirdiyinə görə, yaşayış evində silahdan atəşin açılması ilə bağlı polisə məlumat daxil olub. Deyilən ünvana gələn patrul əməkdaşları naməlum şəxs tərəfindən silahlı müqavimətlə üzləşiblər və bu əsnada güllələrdən biri ətrafdan keçən bir nəfəri ağır yaralayıb.

Asayiş keşikçiləri, avtomobili ilə hadisə yerini tərk etməyə müvəffəq olan cinayətkarın qarşısını sürət şosesində kəsib və bundan sonra aralarında yenidən atışma başlayıb. Atışma vaxtı 27 yaşlı cinayətkar öldürülüb, bir polis isə güllə yarası alıb.  

Faktla bağlı araşdırmalara başlanılıb.

Namiq Musayev