Kəşfiyyat-axtarış gəmisi Aralıq dənizinin şərqində fəaliyyət göstərəcək

Gündəm 10 Avqust 2020 19:34 Oxunub 1114
Kəşfiyyat-axtarış gəmisi Aralıq dənizinin şərqində fəaliyyət göstərəcək
WhatsApp kanalımıza abunə ola bilərsiniz

Türkiyənin “Oruç Reis” kəşfiyyat-axtarış gəmisi “Ataman” və “Cengiz Han” gəmiləri ilə birlikdə Aralıq dənizinin şərqində Kipr adası sahillərində seysmik araşdırmalar aparacaq. Bunla bağlı avqustun 23-dək yeni “Navtex” (dənizçilərə elan) elan edilib.

“Oruç Reis” seysmik gəmisi kontinental sahə və təbii qaynaq axtarışları başda olmaqla, 2 və 3 ölçülü bir sıra araşdırmalar aparmaq imkanı olan mexanizmlərə malikdir. Belə ki, bu gəmi 8 min metr dərinliyə qədər 3 ölçülü, 15 min metr dərinliyə qədər isə 2 ölçülü seysmik əməliyyatlar reallaşdırır. “Oruç Reis” dünyada tam təchizatlı və çoxməqsədli nadir araşdırma gəmilərindən biridir.

Türkiyənin Enerji və Təbii Sərvətlər naziri Fateh Dönməz “Oruç Reis” seysmik araşdırma gəmisinin yeni xidmətinə başlamaq üçün çıxdığı Antalyadan artıq Aralıq dənizinin şərqinə çatdığı barədə məlumat verərək bildirib ki, Türkiyənin enerji təhlükəsizliyini qorunmaq üçün Aralıq və Qara dənizlərində işlər fasiləsiz olaraq davam edəcək. (AZƏRTAC)

ŞƏRH YAZ
Ad

E-mail

Şərh