Kolumbiyada koronavirusa yoluxma sayı 200 mini keçdi

Kolumbiya Səhiyyə Nazirliyinin yaydığı məlumata görə, ötən sutka ölkədə koronavirus (COVID-19) infeksiyasına yoluxanların sayı 6 727 nəfər artıb, 193 nəfər həyatını itirib.

Ölkədə yoluxanların ümumi sayı 204 005 nəfərə çatıb.

Ölkə üzrə xəstəlikdən 6 929 nəfər ölüb və 95 804 pasiyent müalicə olunaraq sağalıb.

Yeni yoluxma hallarının müəyyənləşdirilməsi ilə əlaqədar 1 236 569 test aparılıb.

Xatırladaq ki, koronavirus infeksiyası ötən ilin dekabrında Çinin Vuhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub. (“Report”)