Konqoda elektrik vurması nəticəsində azı 20 nəfər dünyasını dəyişib - FOTO

Konqo Respublikasında elektrik naqillərinin qırılması nəticəsində azı 20 nəfər dünyasını dəyişib. Avtosfer.az xəbər verir ki, hadisə aprelin 1-də Brazzavilya dairəsində qeydə alınıb. Bu barədə “Sinhua” agentliyi məlumat yayıb.

Agentliyin məlumatına görə, qırılma güclü leysan və ildırım vurma səbəbindən baş verib. 

İnsident zamanı xəsarət alanların da olduğu bildirilir. Ancaq onların sayı açıqlanmır. Yaralılar xəstəxanalara çatdırılıblar. Ölənlərin artacağı istisna edilmir.

Namiq Musayev