Konqoda sel fəlakəti; 25 ölü, 45 yaralı - FOTO

Konqo Demokratik Respublikasında leysan yağışları səbəbindən baş verən sel nəticəsində 25 nəfər ölüb, 45-i isə xəsarət alıb. Avtosfer.az xəbər verir ki, təbii fəlakət Cənubi Kivu bölgəsində qeydə alınıb.

Kivu bölgəsinin valisi Theo Kasinin verdiyi açıqlamaya görə, yaşanan sel fəlakəti zamanı 3500-dən çox evə ciddi ziyan dəyib. Tanqanika gölünün və Mulonqve çayının sularının qalxması ilə 77 min 790 nəfər evlərini tərk etmək məcburiyyətində qalıb.

Vali, seldə itkin düşən şəxslərin xilasetmə qüvvələri tərəfindən axtarışlarının davam etdirildiyini bildirib.

Namiq Musayev