Kubada yük maşını insanların üzərinə sürüldü: azı 2 ölü, 20 yaralı

Kubada yük maşınının insanların üzərinə sürülməsi nəticəsində azı 2 nəfər ölüb, daha 20-si isə xəsarət alıb. Avtosfer.az xəbər verir ki, insident Quantanamo əyalətində qeydə alınıb. Bu barədə ötən gün “Cubadebate” portalı məlumat yayıb.

Portalın məlumatına görə, insanlar gecə qaranlığında hərəkət zolağına çıxaraq yolda irəliləyiblər və bu zaman işıqlarını söndürərək hərəkət edən yük maşını onları vurub. Yaralılar, təcili tibbi yardım briqadasının köməkliyi ilə yaxınlıqdakı xəstəxanalara çatdırılıblar.

Rəsmi məlumatlara əsasən, adada gündəlik ortalama 31 yol-nəqliyyat hadisəsi baş verir. Qəzaların əksəriyyəti sürücü diqqətsizliyi, yüksək sürət, yol örtüyünün bərbad olması və avtoparkların köhnə olması səbəbindən törədilir. Kuba yollarında hərəkət edən avtomobillərin bir çoxunun yaşı 50-dən yuxarıdır.

Namiq Musayev