Küçədə insanlara bıçaqla hücum edildi: 4 nəfər xəsarət alıb

Almaniyada bir neçə şəxs bıçaqla küçədə insanlara hücum edib. Avtosfer.az xəbər verir ki, insident aprelin 29-da axşam saatlarında Hanau şəhərində qeydə alınıb. Bu barədə yerli polis məlumat yayıb.

Bildirilir ki, 17-26 yaş arası 4 nəfər bıçaq xəsarətləri ilə şəhər xəstəxanasına gətirilib. Bundan sonra şahid ifadəsi ilə hərəkətə keçən polis 23 və 29 yaşlarında olan iki cinayətkarı saxlayıb.

“Focus Online” portalının məlumatına görə, hücumda 5-7 nəfərdən ibarət dəstə iştirak edib.

Hazırda hadisə ilə bağlı araşdırmalara başlanılıb.

Namiq Musayev