Laçın polisi “Evdə qal” devizi altında ərzaq sovqatları paylayıb - FOTO

Koronavirus pandemiyasının tez bir zamanda qarşısının alınması istiqamətində tədbirlər davam etdirilir. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, bu tədbirlər çərçivəsində Laçın Rayon Polis Şöbəsinin əməkdaşları tərəfindən məcburi köçkünlər üçün tikilmiş qəsəbələrdə məskunlaşmış yaşı 65-də yuxarı olan və tənha yaşayan, eləcə də maddi imkanı zəif olan vətəndaşlarımıza “Evdə qal” devizi altında müxtəlif ərzaq məhsullarından ibarət sovqatlar verilib. Həmçinin onlarla maarifləndirici mövzuda söhbətlər aparılıb, koronavirus pandemiyasının səbəb ola biləcəyi bütün mənfi hallar barədə geniş məlumat verilib. İnfeksiyanın tez bir zamanda qarşısının alınması məqsədilə həyata keçirilən sosial izolyasiya tədbirlərinə riayət edilməsi tövsiyə edilib.

Namiq Musayev