Led işıqlara görə cərimə var? - Yol polisindən AÇIQLAMA

Son günlər sosial şəbəkələrdə led işıqların tamamilə qadağan edildiyi və bunun üçün 150 manat cərimə tətbiq olunduğu barədə məlumatlar yayılır.

Avtosfer.az xəbər verir ki, məsələ ilə bağlı nəqliyyat eksperti Elməddin Muradlı bildirib ki, bəzi insanlar led işıqlarının ümumiyyətlə istifadəsinin qadağan olduğunu düşünürlər, amma belə bir qadağa yoxdur. "Led işıqları istifadə etmək olar, lakin bu işıqlar avtomobilin elektrik sistemi ilə uyğun olmalı və amperin qısaqapanma nəticəsində yanğına səbəb olmayacaq orijinal lampalarla təchiz edilməlidir".

Baş Dövlət Yol Polisi İdarəsindən isə bildirilib ki, hər bir nəqliyyat vasitəsinin texniki şəhadətnaməsində onun texniki parametrləri ilə bağlı bütün məlumatlar yerləşdirilir. "Müxtəlif avadanlıqları alarkən istehlakçılar nəzərə almalıdırlar ki, istehsalçı tərəfindən müəyyən edilmiş avadanlıqların təchiz olunması təmin edilməlidir. Led işıqları standartlardan kənara çıxarsa, onlar qadağan edilir".

(milli.az)