Lerikdə sərnişinlərə və piyadalara tibbi maskalar paylanıb - FOTO

Koronavirus pandemiyasının yayılmasının qarşısının alınması məqsədilə Lerik Rayon Polis Şöbəsinin əməkdaşları mütəmadi olaraq sakinlərlə maarifləndirici söhbətlər aparır, onları sosial izolyasiya qaydalarına riayət etməyə çağırırlar. DİN Mətbuat Xidmətinin Lənkəran regional qrupundan Avtosfer.az-a verilən məlumata görə, yerli idarələrin və bankların önündə yarana biləcək sıxlığı nəzərə alaraq polis əməkdaşları bu ərazilərə xüsusi olaraq nəzarət edir. Vətəndaşlardan tibbi maskadan istifadə etmək, insanlarla təmas zamanı 2 metrlik ara məsafəsini saxlamaq tövsiyə olunub. Həmçinin dayanacaqlarda, marşrut avtobuslarında maska taxmadan əyləşən sərnişinlərə, eləcə də piyada hərəkət edən sakinlərə tibbi maskalar paylanıb.

Namiq Musayev