Lökbatanda “07” qaçırılıb

Qaradağda minik avtomobili oğurlanıb. Daxili İşlər Nazirliyinin Mətbuat Xidmətindən verilən məlumata görə, hadisə iyunun 1-də Lökbatan qəsəbəsi ərazisində qeydə alınıb.

Məlumata görə, Bakı şəhər sakini R.Şahverdizadəyə məxsus “VAZ-2107” markalı avtomobilin qaçırılması barədə 10-cu Polis Bölməsinə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində avtomobil iyunun 2-də Xırdalan şəhəri ərazisində aşkar edilmiş və nəqliyyat vasitəsini qaçırmaqda şübhəli bilinən Sabirabad rayon sakini, əvvəllər məhkum olunmuş E.Məmmədov saxlanılıb.

Faktla bağlı araşdırma aparılır.

Namiq Musayev