Avtosfer.az | Reklam
Londonda yerləşən şirkətlər Amsterdama köçür
Gündəm 2 İyun 2020 20:55 Oxunub 1118
Londonda yerləşən şirkətlər Amsterdama köçür
Bu barədə Rusiyanın Niderlanddakı ticarət nümayəndəsi Andrey Makarov bildirib

Londonda yerləşən 100-dən artıq beynəlxalq şirkət “Brexit”lə bağlı Amsterdama köçüb, daha 300-ü də bununla bağlı Niderland hökumətilə danışıqlar aparır.

Bu barədə Rusiyanın Niderlanddakı ticarət nümayəndəsi Andrey Makarov bildirib.

Artıq Amsterdama köçmüş şirkətlər arasında “Sony”, “Panasonic”, “Discovery”, “Mitsubishi”, “Hitachi”, “Canon” kimi nəhənglərin adını çəkən diplomat hazırda Amsterdam şəhərinin əslində Yaponiya şirkətləri üçün hub vəziyyətinə gəldiyini, üstəlik, Avropa Tibb Agentliyi kimi bəzi beynəlxalq təşkilatların da bu axına qoşulduğunu dilə gətirib.

Bununla belə ÜDM-inin 7 faizinin Böyük Britaniya ilə əməkdaşlığın payına düşdüyü Niderland da “Brexit”dən zərər çəkir: “Brexit" amili yaratdığı müəyyənsizlik və istehsalat zəncirlərini qırdığı üçün Niderland iqtisadiyyatı üçün 2030-cu ilədək 2 milyarddan 10 milyard avroyadək məbləğdə dəyərləndirilən itkilərə gətirib çıxarmaqla yanaşı, iri beynəlxalq şirkətlərin ölkəyə köçməsilə əlaqədar böyük faydalara da səbəb olacaq”. (“Report”)

ŞƏRH YAZ
Ad

E-mail

Şərh