Marketlərdən, ofislərdən oğurluq edən şəxslər yaxalanıblar - Yasamalda

Paytaxtda marketlərdən, ofislərdən oğurluq edən şəxslər tutulublar. Daxili İşlər Nazirliyinin mətbuat xidmətindən Avtosfer.az-a bildiriblər ki, Yasamal rayon ərazisində "Azərsu” ASC-yə məxsus 2 ədəd kanalizasiya qapağı, 1 marketdən, 1 qarajdan və 1 ofisdən kondisioner mühərriklərini sökərək oğurlamaqda şübhəli bilinən Masallı rayon sakini A.Qasımov və Bakı şəhər sakini, əvvəllər məhkum olunmuş A.Əliyev Rayon Polis İdarəsinin 28-ci polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.

Faktla bağlı araşdırma aparılır.

Namiq Musayev