Maşınlardan oğurluq edən bir qrup şəxs saxlanılıb

Nəqliyyat vasitələrindən oğurluq etməkdə şübhəli bilinən bir qrup Lənkəran şəhər sakinləri tutulublar. Daxili İşlər Nazirliyinin Mətbuat Xidmətindən Avtosfer.az-a verilən məlumata görə,

Biləsuvar RPŞ və DİN-in Təhlükəsiz Şəhər Xidməti əməkdaşlarının birgə keçirdikləri əməliyyat tədbirləri nəticəsində Y.Teymurovun “KamAZ” markalı avtomobilindən akkumulyator oğurlamaqda şübhəli bilinən Lənkəran şəhər sakinləri, əvvəllər məhkum olunmuş S.Abdullayev, S.Rəhimov və Ağdam rayon sakini E.Ağayev saxlanılıblar.

Ətraflarında aparılmış tədbirlərlə onların Salyan və Cəlilabad rayonları ərazilərində ümumilikdə 4 avtomobildən - “Kamaz”, “DAF” markalı yük avtomobillərindən və “New Holland” markalı traktordan akkumulyator oğurlamaları da müəyyən edilib. 

Araşdırma aparılır.

Namiq Musayev