Məhərrəm Əliyevin nəvəsi Moskvada qəzaya düşdü - AÇIQLAMA - YENİLƏNİB

Azərbaycan Prezidentinin hərbi məsələlər üzrə köməkçisi, general-polkovnik Məhərrəm Əliyevin nəvəsi Moskvanın şimalında qəza keçirib. REN TV-nin məlumatına görə, hadisə paytaxtın Böyük Akademik küçəsində baş verib. Belə ki, oğlanın idarə etdiyi "Toyota Land Cruiser" markalı avtomobili "Lexus"la toqquşub.

Qəza zamanı heç kim xəsarət almayıb. Qəzanın səbəbləri araşdırılır.

Ailəsindən hadisə ilə bağlı “Qafqazinfo”ya açıqlama verilib. Bildirilib ki, söhbət Məhərrəm Əliyevin qızının oğlundan gedir. Qeyd olunub ki, qəza onlara məxsus avtomobilin digər bir maşının sürücüsü tərəfindən vurulması nəticəsində baş verib. Qəza zamanı M. Əliyevin nəvəsi sükan arxasında olmayıb. Həmçinin vurğulanıb ki, insident xəsarətsiz ötüşüb.