Məşhur aktyor lüks avtomobilini sata bilmir - FOTO

Yaraşığı və xarizması ilə qadınların ağlını başından alan türkiyəli aktyor Kıvanç Tatlıtuğ ötən il 1 milyon 725 min lirəyə (təxminən 432 min manata) aldığı “Ferrari F355 Spider F1” markalı avtomobili üçün alıcı tapa bilmir.

Avtosfer.az xəbər verir ki, sənətçi 1998-ci il model avtomobilinin qiymətini aşağı salıb.

Avtomobilin yeni qiyməti 1 milyon 575 min lirə (təxminən 395 min manat) olaraq təyin edilib.

Qiymətində 150 min lirə (təxminən 37 min manat) endirim edilmiş maşın Beşiktaşda yerləşən avtomobil mərkəzində alıcısını gözləyir.

Qeyd olunur ki, aktyor lüks avtomobilinə öz zövqünə uyğun tərtibat verib.