Metroda mübahisə etdikləri şəxslərə silahla atəş açdılar - VİDEO

Rusiyanın Sankt-Petrburq şəhərində metroda baş verən silahlı atışmanın görüntüləri təhlükəsizlik kameralarına düşüb. Avtosfer.az xəbər verir ki, insident martın 2-də “Akademik” stansiyasında qeydə alınıb.

Məlumata görə, üç oğlan və bir qız iki əcnəbi vətəndaşla aralarında mübahisə yaranıb. Dava zamanı təhrikçilərdən biri qaz tapançanı əcnəbilərə istiqamətləndirərək atəş açıb.

Münaqişə metronun vaqonunda növbəti stansiyaya qədər davam edib.

Bundan sonra cinayətkarlar tapançanı platformaya atıblar və qaçaraq gizləniblər. Əcnəbilər isə polis əməkdaşlarını gözləməyərək şəhər mərkəzinə tərəf gediblər.

Hadisədən 12 saat sonra asayiş keşikçiləri 19 və 22 yaşlarında iki nəfəri saxlayıblar. Hüquq-mühafizə orqan əməkdaşlarının versiyasına görə, metroda silahlı xuliqanlıq edən şəxslər məhz yaxalanan bu iki nəfər olub.

Polis, 19 yaşlı oğlanın “Zərbə” tapançasından ən azı iki dəfə atəş açdığını bildirib.

Tutulan hər iki şəxs əvvəllər bir neçə dəfə polis bölməsinə düşüblər, hətta onlardan biri əvvəllər  məhkumluq həyatı da yaşayıb.

Şübhəlilərə qarşı xuliqanlıq maddəsi ilə cinayət işi başlanıb.

Namiq Musayev