Mexanizatorların sayı daha 7 nəfər artdı - FOTO

Kənd Təsərrüfatı Nazirliyi yanında Aqrar Xidmətlər Agentliyinin Ağsu Dövlət Aqrar İnkişaf Mərkəzinin Texniki Nəzarətin Təşkili sektoruna traktor və digər mexaniki nəqliyyat vasitələrini idarə etmək üçün sürücülük vəsiqəsinin verilməsi üçün müraciət etmiş 8 nəfərdən 7 nəfəri nəzəri imtahanı müvəffəqiyyətlə verib və təcrübi imtahana cəlb edilib. 

Təcrübi imtahanlar Ağsu rayon “Aqroservis” bölməsində kənd təsərrüfatı texnikalarından istifadə edilərək müvəffəqiyyətlə başa çatıb.
Belə ki, 8 müraciətdən 7 nəfəri texnikaları idarə etmək hüququnu (mexanizator) qazanıb.

Aqrar Xidmətlər Agentliyi texnika istifadəçilərinin nəzərinə çatdırır ki, sürücülük vəsiqəsi olmadan texnikaların idarə edilməsi qadağandır!