Millət vəkili qətlə yetirildi

Somalidə ölkənin millət vəkili öldürülüb. Bu barədə Somalinin "Gubjug News" xəbər portalı məlumat yayıb.

Belə ki, Somalinin cənubunda bir qrup naməlum şəxs Hirşabella Ştatından olan millət vəkili Abdikadir Fərəh Əhmədi qətlə yetiriblər.  

Deputat Orta Şabelle bölgəsinin Couhar qəsəbəsindəki evinin qarşısında güllələnib. Bildirilir ki, cinayətkar hadisə yerindən qaçmağa müvəffəq olub.

Onun axtarışı istiqamətində işlər davam etdirilir. ("Report")