Moskvada COVID-19 qurbanlarının sayı 4,3 min nəfərə çatır

Rusiyanın paytaxtı Moskvada son sutkada pnevmoniya diaqnozunun təsdiqləndiyi və koronavirus testinin müsbət nəticə verdiyi 14 pasiyent ölüb.

Bu barədə koronavirusa qarşı mübarizə məqsədilə yaradılmış operativ qərargah məlumat yayıb.

Məlumata görə, bununla da paytaxtda COVID-19 qurbanlarının sayı 4 285 nəfərə çatıb. Qeyd edək ki, bir gün əvvəl Moskvada 13 nəfər koronavirusdan vəfat edib.

Rusiyada pandemiya ərzində COVID-19-a 759 min yoluxma qeydə alınıb, 12 mindən çox insan ölüb, 539 mindən çox pasiyent sağalıb.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb. (“Report”)