Moskvada martın 8-də ictimai nəqliyyat və parklanma pulsuz olacaq

Moskva və Moskva vilayətinin rəhbərliyi “8 Mart Beynəlxalq Qadınlar” günü münasibəti ilə qadın sakinlərə hədiyyə etmək qərarına gəliblər. Avtosfer.az xəbər verir ki, martın 8-də bütün qadınlar ictimai nəqliyyatdan pulsuz istifadə edəcək. Bu barədə Moskva meri Serqey Sobyanin öz “Twitter” hesabından məlumat verib.

Onun sözlərinə görə, qadınlar şəhər qatarlarına da pulsuz minə bilərlər (Aeroexpress istisna olmaqla).

Mer həmçinin qeyd edib ki, 8 və 9 mart tarixlərində Moskvada pulsuz park etmək mümkün olacaq.

Moskva əyalətinin qubernatoru Andrey Vorobev öz növbəsində, martın 8-də bütün əyalət muzeylərinin qapıları qadınlar və uşaqlar üçün açıq olacaq.

Namiq Musayev